بسم الله الرحمن الرحيم
ألسلام عليكم ورحمة الله وبركاته
أخوانى الأعـزاء هـذه القصيدة لا أعني بها أحد محدد
ولكن يوجد الكثير على هذه الشاكله في هذه الأيام
ياذيب انا خايف علـيك امـن الـنـدم
لا ذقــت كــاسٍ ماحــدٍ يـــرتــوي بـــه
تـشـرب ويـزداد الضما كنــه وهـم
وتضـما وهــو جـنـبك ولا تـهـتـنـي بـه
ناصحك انا ياذيب من درب الهوى
درب المـشـاكـــل والــيالـي العصيـبه
لا صرت بادي في حياتك بالخـطـا
واتـقـول حضـي لـي زمانـي يـجـيــبه
الـذيـب ماياكـل مـن الصيـد الـبطي
الذيـب بـالـيـمــنى يـــدور نـصــيـبــه
حتــى لـو ان الصـيــد قـدامـه كـثـر
خلَى ضعيف الصـيـد ودور صـعـيـــبـه
ناصحك انا ياذيب من صيد السهل
وخــل الــذي ياتــي بـلـيـا طـلـيـبـــــه
وخل الـذي في قلـبه لغيـرك محـل
تـرى جــروح الـحـب والله عطـيــبــــه
كم واحدٍ مـن قاسي اوجاعه شكى
لاشـاف غـيـره يـهتـنـي في حبـيـــه
وكم واحدٍ قبلـك عجز يلقا الدوى
من عـقـب ما خلاه واـبعـد طبـيـبـــــه
دور على الي تلـتـقي فـيه الوفـا
من هو بعينك ما تــجـي فـيه عـيـبــه
أفتح خفوقه ووضع لحبك محل
بالطيب لو تـقــدر وخــل الـقـصـيـبــه
ترى لسانك فــيه ياقـافي سهـم
الـيا وزنــتـه مـن بقـيـتــه يصـــيـــبـه
ودمتم
الإثنين ديسمبر 01, 2008 9:13 am
