يحسب أني يوم سلم ما سمعته

اليوم جايب لكم قصيده اعجبتني وحبيت انقلها لكم

وتمنياتي ان تنال اعجابكم...
..
..

يحسب أني يوم سلم ما سمعته
... سامع بس اني أتغلا عليه

بس قلبي حاول يرد ومنعته
... لا ترد وسو نفسك ما تبيه

قلت أبثقل بس ثقلي ما ستطعته
... وبتسمت وجيت لمعانق يديه

قال أحبك؟ قلت أنا حبك طبعته
... من زمان بخافقي محداًً يجيه

قال بدري؟ قلت هذا اللي جمعته
... من كلام وقال أنا كنت أحتريه

حبه اللي داخل أعروقي زرعته
... يشربه قلبي وروحي ترتويه

قدره اللي بينهم عندي رفعته
... من سواه ويصعب التشكيك فيه

يحسب أني يوم ما رديت بعته
... ما درى أني بكل عمري مشتريه

وصراحه يوم سلم ما سمعته
... كنت أفكر كيف أنا سلم عليه